تعال خذني بين جفنـك والاهـداب
ابغى اعيش العمر في وسط عينـك
واذا مكذبنـي وتبغالـك اسـبـاب
قلبي مـع الايـام صايـر رهينـك
تلقاني اقربلك من النـاس الاقـراب
ما راح تلقى غيـر قلبـي ظنينـك
لك في خفوقي قصر له عدة ابـواب
فـي داخلـه قلـبٍ يـدور حنينـك
القلب من حبك معـذب ومنصـاب
مالـه دواء ياكـود لمسـة يدينـك
انشد بنوك الحب وتلقالـك حسـاب
تلقى رصيدك فـوق كلـه لزينـك
واذا بقاء في خاطرك كلمة عتـاب
قلها ترى ارحملي من اقول وينـك
ترى انتظار القلب حرقٍ للاعصاب
طال انتظار القلب وطالت سنينـك
وان كان ماتعرف قوانين الاحبـاب
الحب مالـه حاكـمٍ كيـف ادينـك
بصبر على جرحٍ على القلب ماطاب
واقول ياقلبـي عسـى الله يعينـك
الخميس فبراير 11, 2010 5:23 am